2026 жылғы 5 наурызда Конфессияаралық және дінаралық диалогтың халықаралық орталығы Басқармасының Төрайымы Гүлсана Қожабай мен Қазақстан Республикасындағы Қасиетті Тақтың Апостолдық нунцийі Джордж Панамтундил арасында кездесу өтті.
Кездесу барысында тараптар діндер арасындағы диалогты дамыту және болашақтағы ынтымақтастық мәселелерін талқылады. Әсіресе Рим Папасы Францисктің қайтыс болған күніне орай еске алу іс-шарасын өткізу мүмкіндігіне ерекше назар аударылды.
Сонымен қатар, қарулы қақтығыстар аймақтарындағы балаларды қорғауға бағытталған бастамаларды ілгерілету мақсатында Әлемдік және дәстүрлі діндер лидерлерінің Съезі аясында Bambino Gesù қауымдастығымен келешектегі әрекеттестік мүмкіндіктері де қарастырылды.
Бұдан бөлек, тараптар Дінаралық диалог жөніндегі Дикастериямен алдағы онлайн-кездесуге дайындықтың маңыздылығын атап өтті. Кездесу барысында биыл Астана қаласында өткізуі жоспарланған екінші бірлескен коллоквиумды ұйымдастыруға қатысты мәселелерді талқылау көзделіп отыр.
Кездесу соңында тараптар және халықаралық деңгейде діндер арасындағы өзара түсіністікті, гуманитарлық құндылықтарды және бейбітшілік мәдениетін ілгерілетуге бағытталған бірлескен бастамалардың маңыздылығын атап өтіп, ынтымақтастықты одан әрі нығайтуға өзара мүдделі екендерін растады.
