Хамзин Нурлан – қаржы, экономика және мемлекеттік басқару салаларындағы тәжірибесі мол маман. Қазіргі уақытта «Конфессияаралық және дінаралық диалогтың халықаралық орталығы» КЕАҚ Басқарма Төрағасының орынбасары қызметін атқарады.
Бірнеше бағыт бойынша жоғары білімге ие. 2002 жылы Мемлекеттік басқару академиясын «Қаржы және несие» мамандығы бойынша, 2012 жылы Қазақстан жолдар және қатынастар институтын «Құқықтану» мамандығы бойынша, 2019 жылы Л.Н.Гумилев атындағы Еуразия ұлттық университетін техникалық мамандық бойынша тәмамдаған.
20 жылдан астам кәсіби еңбек өтілі бар. Еңбек жолын 2002 жылы «Дария» ЖШС директорының орынбасары қызметінен бастаған. Сол жылы «Қазақстан Халық Банкі» АҚ Сәтбаев өңірлік филиалында бақылаушы-кассир болып жұмысқа орналасып, кейін несие бөлімінің менеджері қызметіне ауыстырылып, 2004 жылға дейін қызмет атқарған.
2005–2006 жылдары Қазақстан Республикасы Әділет министрлігінде бухгалтер қызметін атқарған.
2007 жылы «Астана Финанс» лизингтік компаниясында мониторинг бөлімінің талдаушысы болып жұмыс істеген.
2007–2018 жылдар аралығында «Цеснабанк» АҚ елордалық филиалында қызмет етіп, несие офицерінен бөлім басшысына дейінгі мансаптық жолдан өткен, банк саласында түрлі лауазымдарды атқарған.
2019 жылдан бастап квазимемлекеттік секторда жұмыс істейді: «Конфессияаралық және өркениетаралық диалогты дамыту жөніндегі Н.Назарбаев орталығы» КЕАҚ-да бас экономист қызметін атқарған.
2023 жылы экономика, қаржы және әкімшілік жұмыс департаментінің директоры болып тағайындалды.
2026 жылғы наурызда «Конфессияаралық және дінаралық диалогтың халықаралық орталығы» КЕАҚ Басқарма Төрағасының орынбасары қызметіне тағайындалды.
Қаржы-экономикалық қызмет, әкімшілік басқару және ұйымдық даму мәселелеріне жетекшілік етеді.
