А.ж. 29 қарашасы Конфессияаралық және дінаралық диалогтың халықаралық орталығының Басқарма Төрағасының м.а. Д. Есенова Баку халықаралық көпмәдениеттілік орталығының атқарушы директоры Р.Гасановпен онлайн кездесу өткізді.
Д. Есенова Әлемдік және дәстүрлі діндер лидерлері съезінің мақсаттары мен міндеттерін және оның Даму тұжырымдамасын кеңінен насихаттауда Баку халықаралық мультимәдениет орталығына көрсеткен қолдауы үшін алғысын білдірді.
Өз кезегінде Р. Гасанов басқаратын Орталықтың мақсаттары мен міндеттеріне тоқталып, дінаралық диалогты ілгерілетуде одан әрі ынтымақтастыққа дайын екенін атап өтті.
Кездесу қорытындысы бойынша тараптар конфессияаралық және мәдениетаралық диалог саласындағы ынтымақтастықты одан әрі дамыту, сондай-ақ бірлескен іс-шараларды ұйымдастыру туралы келісті.
