2024 жылдың 7 ақпанында Л.Н.Гумилев атындағы Еуразия ұлттық университетінде Әлемдік және дәстүрлі діндер лидерлері Съезінің 2023-2033 жылдарға арналған Даму тұжырымдамасын ілгерілетуге арналған дәріс өтті. Бұл іс-шараның мақсаты - Съездің одан әрі дамуы, оның қазіргі әлемдегі дінаралық диалог пен ынтымақтастықты дамыту мен нығайтудағы рөлін көрсету.
Дәріс барысында Конфессияаралық және өркениетаралық диалогты дамыту жөніндегі Н.Назарбаев орталығының Басқарма Төрағасы Болат Сәрсенбаев студенттерді, магистранттарды және педагогикалық ұжымды бейбіт өмір сүрудің, толерантты қоғам құрудың және конфессияаралық диалогтың қазақстандық үлгісімен таныстырды. Сондай-ақ Әлемдік және дәстүрлі діндер көшбасшыларының VII Съезінің қорытындылары және Тұжырымдаманың бейбітшілік идеяларын ілгерілетудегі ерекше рөлі талқыланды.
«Съезді дамыту тұжырымдамасы Қазақстан Республикасының Президенті Қ.Тоқаевтың бастамасымен Съездің жаһандық қоғамдастықта дінаралық диалог алаңын нығайту мақсатында әзірленді. Бұл - білім беру мекемесі мен жалпы сала үшін Тұжырымдама және оның мәдениеттер, діндер, өркениеттер диалогын дамытудағы маңызы туралы толық ақпарат алудың бірегей мүмкіндігі», - деп атап өтті Орталықтың Басқарма төрағасы.
Н.Назарбаев Орталығы Қазақстанның жетекші оқу орындары: әл-Фараби атындағы ҚазҰУ, Назарбаев Университеті, М.С. Нәрікбаев атындағы КАЗГЮУ, «Нұр-Мүбарак» Египет ислам мәдениеті университеті базасында Съездің Даму Тұжырымдамасын, оның негізгі жолдауларын түсіндіру бойынша дәрістер топтамасын жоспарлағанын атап өткен жөн.
Анықтама: Әлемдік және дәстүрлі діндер көшбасшылары Съезін дамыту Тұжырымдамасы Съезді одан әрі дамытудың жалпы көзқарасын, миссиясын, мақсаттары мен бағыттарын 2033 жылға дейін айқындайды. Тұжырымдаманы 2023 жылғы қазанда Астанада өткен ХХІ Съезд Хатшылығына қатысушылар қабылдады.
Съездің алдағы онжылдықтағы дамуының жаңа парадигмасының бөлігі ретінде Съездің миссиясы әлемдік және дәстүрлі діндер қауымдастығы арасындағы өзара түсіністік пен құрметті одан әрі нығайту, сондай-ақ қауіпсіз және гүлденген болашақ үшін рухани дипломатияның әлеуетін іске асыру болып табылады.
Съезд халықаралық ұйымдардың, ұлттық үкіметтердің, үкіметтік емес ұйымдардың және ғылыми құрылымдардың өкілдері үшін ашық діни көшбасшылар арасындағы диалог пен ынтымақтастықтың жаһандық алаңы ретінде дамитын болады.
Съезд үш жылда бір рет өткізіледі. 2003 жылдан бері Қазақстанда Әлемдік және дәстүрлі діндер көшбасшыларының жеті Съезі өтті.
