Татьяна Липина – дінтанушы және талдаушы, мемлекеттік-конфессиялық қатынастар, дін саласындағы саясат және зорлық-зомбылық экстремизмінің алдын алу (PVE) мәселелері бойынша маман. Бұған дейін орталықта Дінтанулық зерттеулер департаментінің директоры қызметін атқарған.
Дін саласындағы іргелі және қолданбалы зерттеулер, конфессияаралық өзара іс-қимыл, қоғамдық-саяси талдау бағыттарында 14 жылдан астам тәжірибесі бар. Еңбек жолын 2011 жылы Қазақстан Республикасы Дін істері агенттігі жанындағы Дін мәселелері жөніндегі ғылыми-зерттеу және талдау орталығында ғылыми қызметкер ретінде бастаған. Осы кезеңде діни мақсаттағы нысандарға және діни бірлестіктердің құрылтай құжаттарына дінтанулық сараптама жүргізу бойынша мол тәжірибе жинақтаған.
Әртүрлі талдау құрылымдарында, соның ішінде Қазақстан қоғамдық даму институтында және Қазақстан Республикасы Президенті жанындағы Қазақстан стратегиялық зерттеулер институтында саяси талдау саласында жұмыс істеген. Ішкі саясат, діни ахуал, гендерлік саясат, жастар, қоғамдық келісім және зорлық-зомбылық экстремизмінің алдын алу мәселелері бойынша стратегиялық талдамалық материалдар дайындаумен айналысқан.
Мектеп мұғалімдеріне арналған «Зайырлылық және дінтану негіздері» пәні бойынша біліктілікті арттыру курстарын жүргізген. Қазақстан Республикасы ҰҚК Антитеррорлық орталығының ұсынысы бойынша діни негіздегі экстремизмнің алдын алу тақырыбында дәрістер оқыған.
Сонымен қатар 2013–2016 жылдары Л.Н. Гумилев атындағы Еуразия ұлттық университетінде және ҚазГЗУ-де (қазіргі MNU) академиялық әрі педагогикалық қызмет атқарған. Осы кезеңде «Л.Н. Гумилев атындағы ЕҰУ-дегі дінтанулық зерттеулер» ғылыми басылымдар сериясының жауапты хатшысы болған. Дін, діни білім беру, дін саласындағы саясат және ішкі саясат мәселелері бойынша 20-дан астам ғылыми және талдамалық жарияланымның, оның ішінде монографиялар, оқу құралдары және ұлттық баяндамалардың авторы.
Дін саласындағы мемлекеттік саясатқа қатысты тұжырымдамалық құжаттарды әзірлеуге, сондай-ақ зорлық-зомбылық экстремизмінің алдын алу бағытындағы сараптамалық бастамаларға қатысқан. USAID-тің Орталық Азиядағы зорлық-зомбылық экстремизміне қарсы іс-қимыл жобасы (CVECA) аясындағы «Тұрақты қауымдастықтар» жобасы бойынша Қазақстан атынан Консультативтік комитет мүшесі болған (Countering Violent Extremism in Central Asia Project).
Соңғы 5 жылда халықаралық біліктілікті арттыру курстарынан өткен: «Қудалау, оңалту және қайта ықпалдастыру (PRR) саласындағы ұлттық консультациялар» (БҰҰ мен ЕО Антитеррорлық орталығы, 2023 ж.), ислам құқығы бойынша курстар (Ибн Сина қоры, Аллам Табатабаи университеті (Иран), РҒА Шығыстану институты (РФ), 2021 ж.). 2022 жылы Қазақстан Республикасы Парламенті Сенаты жанындағы Талдау мектебінің түлегі.
Қазақстан Республикасы Президентінің Жарлығымен конфессияаралық және қоғамдық келісімге қосқан үлесі үшін «Қазақстан халқы Ассамблеясына 30 жыл» мерейтойлық медалімен марапатталған.
Дінтанулық зерттеулер, діни ахуалды мониторингтеу және талдау, сондай-ақ дінтанулық сараптама мәселелеріне жетекшілік етеді.
