Президенттің Іс басқармасы үшін бүгін және ертең өте жауапты күндер болғалы тұр. Біз еліміз үшін өте маңызды іс-шараны ұйымдастыруға атсалысып жатырмыз. Әлемдік және дәстүрлі діндер көшбасшыларының съезіне қатысу үшін астанамызға әлемнің 50 елінен жүзге тарта делегация келді. Бұл туралы Президенттің Іс басқарушысы Айбек Дәдебаев Telegram арнасында жазды.
Осы ауқымды шараға қызмет көрсету біздің Авто шаруашылыққа, Медициналық орталықтың ауруханасына, Әкімшілік ғимараттар дирекциясына, Материалдық-техникалық қамтамасыз ету басқармасының Инженерлік орталығына, ресми іс-шаралар бөлімі және басқа да бөлімдерімізге жүктеліп отыр.
Ұжымның 350-ден астам мүшесі техникалық қолдау аясында съезге тікелей атсалысады. Мәртебелі қонақтарды күтіп алады, оларды көлікпен тасуға, орналасуына, тамақтануына, медициналық тұрғыда көмектесуге жауап береді.
