Н. Назарбаев орталығында «Әлем және руханият менің көзіммен» атты балалар сурет байқауы өтті
27 мамырда Халықаралық балаларды қорғау күні қарсаңында Конфессияаралық және өркениетаралық диалогты дамыту жөніндегі Н.Назарбаев орталығында «Әлем және руханият менің көзіммен» атты сурет байқауының жеңімпаздары мен жүлдегерлерін марапаттау рәсімі өтті, деп хабарлайды Azattyq Rýhy.
Байқау Н.Назарбаев орталығы тарапынан Нұр-Сұлтан қаласы білім басқармасы мен елордалық суретшілер одағының қолдауымен 2022 жылғы 18 сәуір-23 мамыр аралығында «Балалар жылы» аясында осы жылдың қыркүйегінде өтетін Әлемдік және дәстүрлі діндер лидерлерінің VII Съезін насихаттау мақсатында ұйымдастырылды.
Іс-шараға Қазақстан Республикасының Ақпарат және қоғамдық даму вице-министрі С. Егізбаев, конфессияаралық және өркениетаралық диалогты дамыту жөніндегі Н. Назарбаев орталығының басқарма төрағасы Б.Сәрсенбаев, ҚМДБ төрағасының орынбасары, наиб мүфти Е. Оңғаров, Нұр-Сұлтан қаласындағы мәртебелі Мария архиепархиясының архиепископ-митрополиті Т. ПЭТА, Қазақстандағы Евангелиялық-лютерандық шіркеудің архиепископы Ю. Новгородов және сондай-ақ Қазақстандағы дипломатиялық миссиялардың, БАҚ өкілдері мен елордалық мектептердің оқушылары, олардың ата-аналары мен оқытушылары қатысты.
«Мемлекет басшысы Қасым-Жомарт Тоқаев 2022 жылды балалар жылы деп жариялаған болатын. Жаңа Қазақстан «Рухани Эвересттің» шыңдарын бағындырмақ. Бүгін Қазақстан әлемге қарапайым жолмен, бірақ келісімде, жанжалсыз өмір сүруге және диалог процесінде қайшылықтарды шешуге болатынын көрсетіп отыр. Осы ретте көпконфессиялықты сақтай отырып, бірлікке қол жеткізу маңызды. Байқаудың барлық қатысушыларын келе жатқан Халықаралық балаларды қорғау күнімен құттықтаймын», - деді ҚР Ақпарат және қоғамдық даму вице-министрі С.Егізбаев.
Нұр-Сұлтан қаласының 28 мектебінен барлығы 78 қатысушыдан 83 жұмыс келіп түсті.
Байқаудың қазылар алқасы қатысушыларды жасына қарай 2 топқа бөлді: бірінші топта 7 жастан 10 жасқа дейінгі балалар, екінші топты 11-16 жас аралағындағы қатысушылар.
Байқау қорытындысы бойынша қазылар алқасы оқушылардың үздік жұмыстарын анықтап, оларға дипломдар мен бағалы сыйлықтар табыстады.
Біріні топ жеңімпаздары:
1-орын – Ермек Нұралы Есболұлы, жұмыс атауы «Музыка в душе», №73 мектеп-лицей, 1-сынып.
2-орын – Жомарт Сая Қуанышқызы, жұмыс атауы «Наурыз мейрамы (Мерекелер)», №48 мектеп-лицей, 4-сынып.
3-орын – Биманова Дильназ Анваровна, жұмыс атауы «Единая страна», «Binom school Тұран» мектебі, 2-сынып.
Екінші топтың жүлдегерлері:
1-орын – Бейсембаева Ажар, жұмыс атауы «Әлем және руханият менің көзіммен», №68 мектеп – гимназия, 8-сынып.
2-орын – Джабраилова Амина, жұмыс атауы «Ана», № 20 мектеп, 6-сынып.
3-орын – Зинекен Жаннұр Нұрлыбекқызы, жұмыс атауы «Струны души», №72 мектеп-лицейі, 5-сынып.
Сонымен қатар Әділжан Попов «ДНҚ-ның пайда болуы» жұмысы қазылар алқасының арнайы сыйлығымен, Дария Әбдірахман мен Алмат Бимариям «Креативті жұмыс» номинациясы бойынша марапатталды.
Байқаудың ұйымдастырылуына орталықтың серіктестері болып табылатын Қазақстан мұсылмандары діни басқармасы, Рим – Католик шіркеуі, Шығыс Еуропа аймағындағы Иса Мәсіхтің Соңғы замандағы Әулиелер Шіркеуі, елордалық суретшілер одағы, сондай-ақ «Kazdream Technologies» компаниясы демеушілік көмек көрсетті.
«Пандемиядан кейін алғаш рет Бейбітшілік және келісім сарайы балалардың, олардың ата-аналары мен тәлімгерлерінің қуанышына, күлкісіне толғанына қуаныштымын. Әлемдік және дәстүрлі діндер лидерлері съезінің идеялары балалар жүрегінде өз әсерін қалдырды деп ойлаймын. Бір жарым ай ішінде елорданың 20-дан астам мектебінен 78 қатысушыдан 80-нен астам жұмыс келіп түсті. Сайысқа түскен ең жас қатысушы небары 6 жаста. Бүгін мұнда ұсынылған суреттер топтамасы балалардың руханият пен толеранттылыққа деген көзқарасы конфессияаралық және этносаралық келісімнің қазақстандық моделінің байлығы мен бірегейлігін тағы бір рет көрсететінін дәлелдеді. Жас суретшілердің алуан түрлі туындылары көпшілікті жаңа шығармашылық жетістіктерге шабыттандыратынына сенімдімін», - деп атап өтті Орталықтың басқарма төрағасы Б. Сәрсенбаев.
Іс-шара соңында барлық қатысушылар мен олардың жетекшілеріне естелік сертификаттар табысталды.
Айта кету керек, 14-15 қыркүйекте Әлемдік және дәстүрлі діндер лидерлерінің VII съезі барысында аталмыш байқауға келіп түскен суреттерден арнайы көрме өткізу жоспарланған.
