Бүгін, ағымдағы жылдың 19 қарашасында Конфессияаралық және өркениетаралық диалогты дамыту жөніндегі Н. Назарбаев орталығының ұжымы Руслан Сакеевті ҚР Еңбек және халықты әлеуметтік қорғау вице-министрі қызметіне тағайындалуымен құттықтады.
Н. Назарбаев орталығының Басқарма Төрағасы Болат Сәрсенбаев Руслан Сакеевті жоғары кәсіби біліктілігі мен халықаралық деңгейде Әлемдік және дәстүрлі діндер лидерлері съезінің мақсаттарын жылжыту мәселелері бойынша ұйым дамуына қосқан үлесі үшін алғыс білдіріп, жаңа қызметінде кәсіби жетістіктер тіледі.
Еске сала кетсек, Р. Сакеев 2019 жылдың қазан айынан Н. Назарбаев орталығы Басқарма Төрағасының орынбасары қызметін атқарды.
