Қаз

Жаңалықтар

Нұр-Сұлтан қаласында Рухани келісім күні аясында «Рухани келісім – Бейбітшіліктің негізі» тақырыбында халықаралық конференция өтті

Бөлісу

18 қыркүйек күні Нұр-Сұлтан қаласында Рухани келісім күні мен Дүниежүзілік рухани мәдениет Форумының 10 жылдығы аясында «Рухани келісім – Бейбітшіліктің негізі» тақырыбында халықаралық конференция өтті.

Конференция ұйымдастырушылары: Қазақстан Республикасы Ақпарат және қоғамдық даму министрлігі, Конфессияаралық және өркениетаралық диалогты дамыту жөніндегі Н. Назарбаев орталығы, Нұр-Сұлтан қалалық әкімдігі және «Бейбітшілікке мәдениет арқылы» халықаралық ассоциациясы.

Шараға Қазақстан Республикасы Ақпарат және қоғамдық даму вице-министрі – М.Әзілханов, Конфессияаралық және өркениетаралық диалогты дамыту жөніндегі Н.Назарбаев орталығының Басқарма Төрағасы – А.Әбибуллаев, Нұр-Сұлтан қаласы әкімдігінің Дін істері басқармасының басшысы Нұрдаулет Әлмұханов, «Бейбітшілікке мәдениет арқылы» халықаралық ассоциациясының президенті – Т.Мұхамеджанов, сондай-ақ Ресей, АҚШ, Үндістан, Австрия, Швейцария, Германия, Ливан және басқа елдерден белгілі мемлекет және қоғам қайраткерлері, діни бірлестіктер мен азаматтық қоғам институттарының өкілдері, ғылыми қоғамдастық өкілдері, халықаралық сарапшылар қатысты.

Конференцияның мақсаты - азаматтарды ортақ рухани-адамгершілік құндылықтарға  топтастырып, қазақстандық қоғамда және бүкіл әлемде бейбітшілік пен тұрақтылық, толеранттылық, рухани келісім идеяларын насихаттау.

Конференция барысында қатысушылар мемлекеттік-конфессиялық және конфессияаралық қатынастар саласындағы өзекті мәселелерді, ұлттық идеяға негізделген қазақстандық бірегейлікті нығайту міндеттерін, сондай-ақ елде және әлемде дінаралық диалог пен өзара түсіністікті ілгерілетуде азаматтық қоғамның рөлінің артуын талқылады.

Еске сала кетейік, Рухани келісім күнін атап өту тарихы 1992 жылы қазан айында Алматы қаласында Қазақстан Республикасының Тұңғыш Президенті – Елбасы Нұрсұлтан Назарбаевтың бастамасымен ұйымдастырылған Бірінші Дүниежүзілік Рухани Келісімнің Конгрессін өткізумен байланысты.

Ол Конгресстің қорытынды құжаты ретінде шара қатысушылары жанжалдар мен қақтығыстарға мораторий жариялау күні, татуласу күні, жақыныңа мейірімділік пен көмек көрсету күні ретінде - 18 қазанды Рухани келісім күні деп жариялауға шақырды.